Pesan Reje Baru Untuk Rakyat Bener Meriah

Penyambutan Bupati Wakil Bupati Bener Meriah di Pendopo satu

Assalammualaikum wr....wb....... Wo rakyatku ama...... Ine...... Tempat ni kami kejet, toni kami bermenye, isini sarak, kul kucak, tue mude si kut kire patut, si layak kire laku, i waktu sijeroh, iketike si beseni, nge empak kite simbilang pucuk, nge jeram kite si bilang tunes.

Ampun ku allah, orom salam semah ku ama ine ni kami galakte enti kase muselpak, arokte enti kase mupolok, amekte gelah bersitonan, amilte gelah bersiperalan,

Tuah te gelah berpapah, bahgiete gelah bertona,. Kami siremalan tarmulo simuregang tali, si konol tar uken si mumotosni peri, ratipe gelah musara nanguk, nyawante gelah musara peluk, bulete gelah lagu umut, teroste gelah lagu gelas,

Gelah murum kite mukamul lagu unik, sesiro kedik we munaso madu, gelah sepapah sepupu kite lagu kintis, sesiro berbaris bersemah ulu. Kami muharap enti sempat gantong tunung,enggeh mudunie patah titi gere mureta. Emas gere berpuro,koro gere berperala,empos gere berpeger, erom gere berkeben, malu gere beruang.

Rakyatku bewene ini le sidepet kusawahen wan kesempaten siberbahagieni. Amin ya rabbal alamin wabillahi taufik wal hidayah asalamu alaikum wr... Wb.... (S16)

Komentar

Loading...